सुर्खेत–जुम्ला सडकको दही खोलामा पुल निर्माणका लागि ठेक्का आह्वान

काठमाडौँ । सडक विभाग अन्तर्गतको सडक डिभिजन सुर्खेतले सुर्खेत–जुम्ला सडक खण्डमा पर्ने दही खोलामा पुल निर्माणका लागि बोलपत्र (टेन्डर) आह्वान गरेको छ । डिभिजनले डिजाइन एन्ड बिल्ड विधिबाट सो पुल निर्माण गर्न योग्य बोलपत्रदाताहरूबाट विद्युतीय बोलपत्र आह्वान गरेको हो ।

दैलेख जिल्लामा पर्ने सुर्खेत–जुम्ला सडकको चेनेज १३२+००० मा पर्ने दही खोलामा पुल निर्माणका लागि यो ठेक्का आह्वान गरिएको डिभिजन कार्यालयले जनाएको छ ।