अभिषेक गिरीलाई थुनामुक्त गरी अनुसन्धान गर्न अदालतको आदेश

विराटनगर। अभिषेक गिरीलाई थुनामुक्त गरेर अनुसन्धान प्रक्रिया अघि बढाउन जिल्ला अदालत मोरङले आदेश दिएको छ। न्यायाधीश टंकबहादुर महतको इजलासले उच्च अदालतको अघिल्लो आदेश सदर गर्दै गिरीलाई बाहिरै राखेर अनुसन्धान गर्न सोमबार आदेश दिएको हो।

जिल्ला प्रहरी कार्यालय मोरङले गिरीलाई ‘संगठित अपराध’ र ‘सम्पत्ति शुद्धीकरण’ मुद्दामा थप अनुसन्धानका लागि म्याद थप गर्न अदालत उपस्थित गराएको थियो। तर अदालतले गिरीलाई थुनामुक्त गर्न आदेश दिए पनि उनका अन्य तीन सहयोगीको हकमा भने म्याद थप गरेको छ।