किन आए एडीबी अध्यक्ष कान्दा नेपाल ?

२२ असार, काठमाडौं । दुई महिनाअघि उज्बेकिस्तानको समरकन्दमा भएको एसियाली विकास बैंकको ५९ औं वार्षिक वार्षिक सम्मेलनका क्रममा अध्यक्ष मासातो कान्दाले भनेका थिए, ‘नेपालको नयाँ सरकारलाई सहयोग गर्ने विषयमा हामी उत्साहित छौं, नेपालको भविष्य राम्रो बनाउन कसरी सहयोग गर्न सकिन्छ भन्ने विषयमा छलफल सुरु गरिसकेका छौं ।’

नेपालमा नयाँ राजनीतिक परिदृश्य निर्माण भएको सन्दर्भमा एडीबीको रणनीति कस्तो हुन्छ भनने अनलाइनखबरको प्रश्नमा उनले यस्तो बताएका थिए । सम्मेलनकै क्रममा एडीबीका केही अधिकारीहरुले अध्यक्ष कान्दाको नेपाल भ्रमणको तयारी भइरहेको जानकारी दिएका थिए । त्यसबेलासम्म सम्भवतः प्रधानमन्त्री बालेन्द्र शाहसँगको भेटघाटका लागि समय नमिलिसकेका कारण भ्रमणको मिति भने तय भएको थिए ।