माछापोखरी निर्माणमा करोडौँ हिनामिनाको आरोप, निलम्बित मेयर भरतकुमार थापासहित ८ जनाको भ्रष्टाचार मुद्दा सुनुवाइमा

सर्लाहीको बागमती नगरपालिकाका निलम्बित मेयर भरतकुमार थापा सहित ८ जनाविरुद्ध दायर भ्रष्टाचार मुद्दा विशेष अदालतमा सुनुवाइका लागि पेसी तोकिएको छ।

वन क्षेत्र अतिक्रमण गरेर माछापोखरी निर्माणको नाममा सङ्घीय र प्रदेश सरकारबाट प्राप्त करोडौँ रुपैयाँ हिनामिना गरेको आरोपमा उनीहरूविरुद्ध मुद्दा दायर गरिएको हो। यस प्रकरणमा अदालतले यसअघि चार पटक साक्षी बुझ्ने आदेश दिइसकेको छ भने एक पटक बहस नोट पेश गर्न पनि आदेश दिएको थियो।