११ महिनामा ४७ अर्ब ६१ करोड वैदेशिक लगानी प्रतिबद्धता, सूचना प्रविधि र पर्यटन क्षेत्रमा आकर्षण

काठमाडौं । चालु आर्थिक वर्ष २०८२/८३ को ११ महिनामा नेपालले ४७ अर्ब ६१ करोड रुपैयाँभन्दा बढी वैदेशिक लगानी प्रतिबद्धता प्राप्त गरेको छ। उद्योग विभागको तथ्यांकअनुसार साउनदेखि जेठ मसान्तसम्म स्वीकृति तथा स्वचालित दुवै प्रणालीमार्फत कुल ९१४ उद्योगका लागि उक्त परिमाणको विदेशी लगानी प्रतिबद्धता आएको हो।

विभागका अनुसार यस अवधिमा प्रमाणीकरण (स्वीकृति) प्रणालीमार्फत २०३ उद्योगका लागि ३९ अर्ब ९० करोड ६७ लाख रुपैयाँ बराबरको लगानी प्रतिबद्धता आएको छ भने स्वचालित मार्गबाट ७११ उद्योगका लागि ७ अर्ब ७१ करोड ६८ लाख रुपैयाँ बराबरको लगानी प्रतिबद्धता प्राप्त भएको छ।