रोयल्टी र प्रतिलिपि अधिकार विवाद समाधानका लागि पाँच सदस्यीय जाँचबुझ समिति गठन

काठमाडौं– सरकारले गीत–संगीत क्षेत्रमा देखिँदै आएको रोयल्टी, प्रतिलिपि अधिकार तथा बौद्धिक सम्पत्तिसम्बन्धी विवाद तथा प्रणालीगत समस्याको अध्ययन गर्न उच्चस्तरीय जाँचबुझ समिति गठन गरेको छ ।

संस्कृति, पर्यटन तथा नागरिक उड्डयन मन्त्रालयको निर्णयअनुसार संगीतकार लक्ष्मण शेष (लक्ष्मण बिडारी) को अध्यक्षतामा पाँच सदस्यीय समिति गठन गरिएको हो । मन्त्रालयले प्रधानमन्त्री तथा मन्त्रिपरिषद्को कार्यालयको ध्यानाकर्षणपछि उक्त निर्णय गरेको जनाएको छ ।