समाचार बुलेटिन होइन, सूचना प्रसार गरेको हो : प्रमुख न्यौपाने

राष्ट्रिय स्वतन्त्र पार्टी (रास्वपा) ले पार्टीले समाचार बुलेटिन चलाएको नभई सूचना प्रसार गरेको बताएको छ।

सोमबार रास्वपा संगठन विभाग प्रमुख प्रमोद न्यौपानेले सामाजिक सञ्जालमार्फत यस्तो बताएका हुन्। पछिल्लो समय रास्वपाले सांसद रिमा विश्वकर्मासहितलाई एंकर बनाएर निरन्तर समाचार सामग्री प्रसारण गर्दै आएको छ। सोही कुरालाई लिएर आलोचना हुन थालेपछि न्यौपानेले यस्तो स्पष्टीकरण दिएका हुन्।