युरोपेली सङ्घमा जोडिन मोल्डोभालाई वर्षौँ लाग्ने पूर्वराष्ट्रपति डोडोनको भनाइ

१ असार, काठमाडौं । मोल्डोभा आगामी केही वर्षभित्रै युरोपेली यूनियनको सदस्य बन्न नसक्ने र यो वास्तविकतालाई सबैले बुझिसकेको दाबी त्यहाँका पूर्वराष्ट्रपति इगोर डोडोनले गरेका छन्। रूसी समाचार एजेन्सी ‘तास’ लाई दिएको एक विशेष अन्तर्वार्तामा मोल्डोभाका प्रमुख प्रतिपक्षी दल ‘पार्टी अफ सोसलिस्ट्स’ का नेता डोडोनले यस्तो कुरा बताएका हुन्।

वार्ताको पहिलो चरण केही दिनमै सुरु हुने भनी ब्रसेल्सले आश्वासन दिएको भए पनि युरोपेलीहरू स्वयंले मोल्डोभाको सदस्यता निकै चुनौतीपूर्ण र समय लाग्ने कुरा स्वीकार गरेको डोडोनले उल्लेख गरे। हालै मोल्डोभाको एउटा प्रतिनिधिमण्डलले ब्रसेल्सको भ्रमण गरेको सन्दर्भ जोड्दै उनले यो प्रक्रिया सहज नभएको प्रष्ट पारे।