बागमती प्रदेशको बजेट आकार निरन्तर वृद्धि हुँदै

हेटौँडा । बागमती प्रदेश सरकारले सोमबार दिउँसो ४ बजे बस्ने प्रदेशसभा बैठकमा आगामी आर्थिक वर्ष २०८२/८३ को बजेट प्रस्तुत गर्ने तयारी गरेको छ। प्रदेश सरकारले ल्याउन लागेको यो १०औँ बजेट हो ।

प्रदेश सरकारले आगामी आर्थिक वर्षका लागि ६६ अर्ब रुपैयाँभन्दा बढीको बजेट प्रस्ताव गर्ने तयारी गरेको छ। सत्ता साझेदार दल नेकपा (एमाले) र नेपाली कांग्रेसबीच भएको सहमतिअनुसार आर्थिक मामिला तथा योजना मन्त्री प्रभात तामाङले सो रकम हाराहारीमा बजेट ल्याउन लागेका हुन् ।