नेपाल-स्वीटजरल्याण्डबीच शिक्षा साझेदारी विस्तारमा छलफल, प्राविधिक र समावेशी शिक्षामा सहकार्य

काठमाडौँ। शिक्षा तथा खेलकुदमन्त्री सस्मित पोखरेल र नेपालका लागि स्वीटजरल्याण्डका राजदूत ड्यानिएल मेउलीबीच शिक्षा क्षेत्रको साझेदारी विस्तार र विकास सहकार्यलाई थप प्रभावकारी बनाउने विषयमा छलफल भएको छ।

सिंहदरबारस्थित शिक्षा मन्त्रालयमा सोमबार भएको शिष्टाचार भेटवार्तामा दुई पक्षबीच द्विपक्षीय सम्बन्ध, विकास सहायता परिचालन तथा नेपालको शिक्षा क्षेत्रमा स्वीटजरल्याण्डले गर्दै आएको सहयोगलाई थप सुदृढ बनाउने विषयमा कुराकानी भएको हो।