एमाले सांसद बोल्दै गर्दा आशिका तामाङको नियमापत्ति– बेचेको प्रमाण छ ?

प्रतिनिधिसभा बैठकमा आगामी आर्थिक वर्षको बजेटमाथि मन्त्रालयगत छलफल जारी छ । छलफलमा एमाले सांसद यशोदाकुमारी बरालले भाग लिएर बोल्दै गर्दा सांसद आशिका तामाङले नियमापत्ति गरिन् । तामाङले ‘बेचेको’ भन्ने शब्द प्रयोग गरेको भन्दै उनले नियमापत्ति गरेकी हुन् ।

सांसद बरालले सरकारले मधेश, कर्णाली र सुदूरपश्चिमको नाम बेचेर भोट ल्याए पनि अहिलेको बजेट त्यो अनुसार नआएको बताएकी थिइन् ।