करेन्ट लागेर घाइते भएका शाक्यको मुद्दामा पीडितलाई क्षतिपूर्ति भराउने फैसला

काठमाडौँ । उपभोक्ता अदालतले ललितपुरस्थित होटेल स्क्वायरको पौडी पोखरी (स्विमिङ पुल) मा करेन्ट लागेर गम्भीर घाइते भएका सजिलमान शाक्यको मुद्दामा पीडितलाई क्षतिपूर्ति भराउने फैसला सुनाएको छ।

शुक्रबार उपभोक्ता अदालतका अध्यक्ष डा. दिवाकर भट्ट तथा सदस्यहरू गहेन्द्र राज रेग्मी र आनन्दराज पोखरेलको इजलासले पीडित शाक्यको पक्षमा फैसला सुनाउँदै स्क्वाय होटलका सञ्चालकबाट १ करोड १ लाख रुपैयाँ क्षतिपूर्ति भराउने फैसला सुनाएको हो। होटेलको लापरबाहीका कारण सेवाग्राहीको ज्यान जोखिममा परेको ठहर गर्दै अदालतले पीडित परिवारलाई सो रकम दिलाउन आदेश दिएको हो।