नुवाकोटमा विपद्पीडित परिवारका लागि मनोसामाजिक सहयोग कार्यक्रम सुरु

नुवाकोट– विपद्बाट प्रभावित परिवारलाई भावनात्मक तथा मानसिक सहयोग उपलब्ध गराउने उद्देश्यले नुवाकोटको विदुर नगरपालिकाका विभिन्न प्रभावित क्षेत्रमा मनोसामाजिक सहयोग कार्यक्रम सञ्चालन हुने भएको छ।

होलिस्टिक एप्रोच फर मेन्टल इन्क्लुजन (एचएएमआई) संस्थाको पहलमा विदुर नगरपालिका–२ र ३ लगायत प्रभावित क्षेत्रमा कार्यक्रम सञ्चालन गर्न लागिएको हो। कार्यक्रममार्फत करिब २ सय घरधुरी तथा व्यक्तिसम्म सेवा पुर्‍याउने लक्ष्य राखिएको संस्थाले जनाएको छ।