होटल स्क्वायरले स्वीमिङ पुलमा पौडी खेल्दा अचेत भएका सजिलमानलाई एक करोड दिनुपर्ने

उपभोक्ता अदालतले ललितपुरको स्वीमिङ पुलमा पौडी खेल्नेक्रममा करेन्ट लागेर अचेत बनेका सजिलमान शाक्यलाई क्षतिपूर्ति तिर्न स्क्वायर होटलको नाममा आदेश दिएको छ।

शुक्रबार अदालतका अध्यक्ष दिवाकर भट्ट, सदस्यहरू गेहेन्द्र राज रेग्मी र आनन्दराज पोखरेलको इजलासले शाक्य परिवारलाई एक करोड एक लाख रुपैयाँ क्षतिपूर्ति तिर्न भनेर स्क्वायर होटललाई आदेश दिएको सूचना अधिकारी होमनाथ कँडेलले जानकारी दिए।