सर्वोच्चले भन्यो– हिरासत, कारागार र थुना केन्द्रमा गोप्य ‘कानुनी परामर्श कक्ष’ व्यवस्था गर्नू

काठमाडौं । सर्वोच्च अदालतले थुनामा राखिएका आरोपितले कानुन व्यवसायीसँग भेटघाट गर्न सकिने गरी देशभरका प्रहरी हिरासत, कारागार एवम् थुना केन्द्रमा ‘गोप्य परामर्श कक्ष’को व्यवस्था गर्न सरकारलाई आदेश दिएको छ ।

सर्वोच्चले कानुन व्यवसायी र थुनाका व्यक्ति (सेवाग्राही) बीच गोप्य र सुरक्षित भेटघाट गर्नसक्ने गरी आवश्यक कार्यविधि, सञ्चालन मापदण्ड तथा सुरक्षा प्रोटोकल निर्माण गर्न आदेशमा भनेको छ । सर्वोच्चका न्यायाधीशद्वय अब्दुल अजीज मुसलमान र श्रीकान्त पौडेलको संयुक्त इजलासले सरकारलाई यस्तो आदेश दिएको हो ।