रविको सङ्गठित अपराध र सम्पत्ति शुद्धीकरण सम्बन्धी मुद्दा फिर्ता, सहकारी ठगी यथावत्

काठमाडौँ । कास्की जिल्ला अदालतले राष्ट्रिय स्वतन्त्र पार्टी (रास्वपा) का सभापति रवि लामिछानेसहित गोर्खा मिडिया नेटवर्कका अध्यक्ष गीतेन्द्रबाबु (जीबी) राई र पूर्वडिआइजी छविलाल जोशीमाथिको सङ्गठित अपराध र सम्पत्ति शुद्धीकरणसम्बन्धी मुद्दा फिर्ता लिने आदेश गरेको छ।

जिल्ला न्यायाधीश हिमलाल बेल्बासेको एकल इजलासले उनीहरूमाथि लगाइएको सहकारी ठगीतर्फको अभियोग दाबी भने यथावत् राख्दै अन्य मुद्दाको अभियोग दाबी कायम नरहने गरी संशोधनको आदेश दिएको हो।