नागरिकले राज्यको उपस्थिति महसुस गर्ने गरी काम गर्न सभामुख अर्यालको आग्रह

काठमाडौं । सभामुख डीपी अर्यालले प्राकृतिक विपद्बाट प्रभावित नागरिकले राज्यको उपस्थिति महसुस गर्ने गरी उद्धार, राहत तथा पुनःस्थापनाका कामलाई तीव्रता दिन तीनै तहका सरकारलाई आग्रह गरेका छन्।

धादिङको गल्छीस्थित भोटेकोशी बाढी प्रभावित क्षेत्रको अवलोकनपछि सभामुख अर्यालले विपद्का बेला नागरिकलाई राज्यको उपस्थिति अनुभूति गराउनु सरकारको पहिलो दायित्व भएको बताएका हुन्।