गण्डकीमा प्रि–बजेट छलफल, सांसदले खोतले बेथितिका चाङ

पोखरा। गण्डकी प्रदेश सरकारले पहुँचका आधारमा निश्चित जिल्लामा मात्र बजेट खन्याउने र अनुत्पादक क्षेत्रमा चालु खर्च बढाएको भन्दै आलोचना भएको छ । गण्डकी प्रदेश सभा अन्तर्गतको अर्थ तथा विकास समिति बैठकमा सांसद र विज्ञहरुले सरकारको बजेट अनुत्पादक क्षेत्रमा बढी केन्द्रित भएको टिप्पणी गरेका हुन्।

प्रदेश सरकार आगामी आर्थिक वर्ष २०८३/०८४ को बजेट निर्माणको पुर्वसन्ध्यामा छ । सोही छेकोमा समितिले प्रि–बजेट छलफल आयोजना गरेको हो । छलफलमा सरोकारवालाहरुले विगतमा भएका गल्ती सुधारेर आगामी बजेट निर्माण गर्न सरकारलाई सुझाव दिए।