नख्खु बाढीको त्यो पीडादायी घटना सम्झाउँदै ओलीलाई ज्ञानेन्द्र शाहीको प्रश्न- अरुलाई उपदेश दिनुअघि आफ्नै विगत हेर्नुस्

राप्रपाका प्रमुख सचेतक तथा सांसद ज्ञानेन्द्र शाहीले पूर्वप्रधानमन्त्री केपी शर्मा ओलीलाई नख्खु बाढीको घटना सम्झाउँदै अरूलाई अर्ति–उपदेश दिनुअघि आफ्नै कार्यकालको आत्मसमीक्षा गर्न कडा सुझाव दिएका छन्।

शाहीले ओली नेतृत्वको सरकारको पालामा काठमाडौँ उपत्यकाकै नख्खु खोलामा बाढीले घेरिएका नागरिकहरू ३ घण्टाभन्दा बढी समयसम्म छानामाथि जीवन बचाइदिन हारगुहार गर्दै हेलिकप्टरको प्रतीक्षामा बस्नुपरेको घटना सम्झाएका छन्। समयमै उद्धार हुन नसक्दा नागरिकहरूकै आँखाअगाडि बाढीमा बगेको त्यो कारुणिक दृश्य नेपाली जनताले अझै नबिर्सिएको उनको भनाइ छ।