बाढी प्रभावित ऋणीलाई कर्जा पुनर्तालिकीकरण र भुक्तानीमा सहजीकरण गर्न सिबिफिनको पहल

काठमाडौं– भोटेकोशी नदीमा आएको विनाशकारी बाढीबाट भएको ठूलो जनधनको क्षतिप्रति नेपाल बैंक तथा वित्तीय संस्था परिसंघ ९सिबिफिन०ले गहिरो दुःख व्यक्त गर्दै प्रभावित व्यक्ति, व्यवसाय तथा परियोजनालाई आवश्यक बैंकिङ सहजीकरण उपलब्ध गराउन पहल गर्ने जनाएको छ।

सिबिफिनले बाढीमा परी ज्यान गुमाउने सबैप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना व्यक्त गरेको छ। साथै, बेपत्ता नागरिक, सुरक्षाकर्मी तथा बैंक तथा वित्तीय संस्थाका कर्मचारीलगायत सबैको शीघ्र खोजी तथा उद्धारको अपेक्षा गर्दै उद्धार तथा राहतमा खटिएका सम्पूर्ण निकाय र व्यक्तिप्रति सम्मान व्यक्त गरेको छ।