सामाजिक विकृति अन्त्य गर्न सबैको सहकार्य आवश्यक: आईजीपी कार्की

भैरहवा। प्रहरी महानिरीक्षक दानबहादुर कार्कीले समाजलाई कुसंस्कार र विकृतिबाट मुक्त गरी शान्त, समृद्ध र भाइचारापूर्ण समाज निर्माणका लागि सबै पक्षबीच सहकार्य र समन्वय आवश्यक रहेको बताएका छन्।

लुम्बिनी प्रदेश प्रहरी कार्यालयले भगवान् गौतम बुद्धको जन्मस्थल लुम्बिनीमा आयोजना गरेको ‘शान्ति पदयात्रा तथा जनचेतनामूलक कार्यक्रम’लाई सम्बोधन गर्दै उनले सामाजिक शान्ति, सुव्यवस्था र समृद्धिका लागि सामूहिक प्रतिबद्धता अपरिहार्य रहेको बताए।