ढोका फोडेर पसे, टेपले मुख बाँधेर वृद्ध दम्पतीलाई लुटे

मध्यराति घरमै सुतिरहेका ८५ र ८६ वर्षीय वृद्ध दम्पतीलाई डोरी तथा टेपले बाँधेर ज्यान मार्ने धम्की दिँदै चोरी गर्ने पाँच सदस्यीय गिरोहलाई प्रहरीले पक्राउ गरेको छ।

जिल्ला प्रहरी कार्यालय रामेछापको टोलीले लुटपाटमा संलग्न गिरोहलाई चोरी गरिएका धनमाल तथा प्रयोग गरिएका सवारीसाधनसहित भक्तपुरका विभिन्न स्थानबाट पक्राउ गरी सार्वजनिक गरेको हो।