बाढी प्रभावित रसुवा, नुवाकोट र धादिङमा स्वास्थ्य बीमाको सहभुक्तानी र क्यापिङ हटाइयो

काठमाडौं — बाढीबाट अति प्रभावित रसुवा, नुवाकोट र धादिङका नागरिकले अब स्वास्थ्य बीमाअन्तर्गत उपचार सेवा लिँदा सहभुक्तानी तिर्नुपर्ने छैन। त्यस्तै, स्वास्थ्य बीमामा लागू हुने क्यापिङ अर्थात् सेवाको तोकिएको सीमासमेत हटाइएको छ।

नेपाल स्वास्थ्य बीमा बोर्डले विपद् प्रभावित नागरिकलाई स्वास्थ्य सेवा लिन सहज होस् भन्ने उद्देश्यले यस्तो निर्णय गरेको जनाएको छ।