गण्डकीको एक तिहाइ बजेट भौतिक पूर्वाधारमा, पोखरामै लाइसेन्स छाप्न बजेट विनियोजन

पोखरा । गण्डकी प्रदेश सरकारले आगामी आर्थिक वर्षका लागि पूरा बजेटको झन्डै १ तिहाइ रकम भौतिक पूर्वाधार विकास तथा यातायात क्षेत्रमा विनियोजन गरेको छ । आगामी वर्ष ११ अर्ब ६६ करोड रुपैयाँ बजेट विनियोजन गरेको हो ।

प्रादेशिक सडक सञ्जालको सुदृढीकरण, बाह्रै महिना यातायात सञ्चालनको सुनिश्चितता र यातायात क्षेत्रको डिजिटल सुधारलाई लक्षित गरी यो बजेट विनियोजन गरिएको अर्थमन्त्री जितबहादुर शेरचनले जानकारी दिए ।