समयमै संसद् भवन नबनेपछि रिसाए सभामुख: दैनिक एक करोड जरिवाना गर्ने चेतावनी

सभामुख डोलप्रसाद(डिपी) अर्यालले निर्माणाधीन संसद् भवनको अवलोकन गरेका छन् । निर्धारित समयमा निर्माण सम्पन्न नभएपछि निर्माण कम्पनीसँग उनले आक्रोश पनि पोखेका छन् ।

भवन अवलोकनका क्रममा उनले निर्माण व्यवसायीसँग कुराकानी गर्दै भने, ‘तपाईंहरूले विभिन्न बहानामा भाका मात्र सार्दै हुनुहुन्छ । अटेर गर्दै हुनुहुन्छ । निर्माण सम्पन्न गर्ने एक मिति तोकौँ । त्यो समयमा भएन भने दैनिक एक करोड जरिवाना गर्ने निर्णय गरौँ हुन्छ ?’