कोठाभित्र मृत भेटिए ३५ वर्षीय राजकुमार: श्रीमती, आमा र भाइसहित ५ जना पक्राउ

मकवानपुरको बकैया गाउँपालिकामा आफ्नै सुत्ने कोठाभित्र एक युवक शंकास्पद अवस्थामा मृत फेला परेपछि प्रहरीले श्रीमती, आमा र भाइसहित पाँच जनालाई नियन्त्रणमा लिएर ज्यान सम्बन्धी कसुरमा अनुसन्धान थालेको छ।

बकैया गाउँपालिका वडा नं-१२ धारापानी बस्ने मानबहादुर खत्रीका ३५ वर्षीय छोरा राज कुमार खत्री आफ्नै घरको कोठामा मृत अवस्थामा भेटिएका हुन्। घटना भदौ १९ गते दिउँसो करिब १ बजे सार्वजनिक भएको थियो।