बाढीमा दिवंगतहरूको सम्झनामा देशभर शान्तिपाठ र प्रार्थना

काठमाडौँ- भदौ १० गतेको विनाशकारी बाढीमा परी ज्यान गुमाएकाहरूप्रति श्रद्धाञ्जली र शोक व्यक्त गर्दै सोमबार देशभर विविध धार्मिक तथा आध्यात्मिक अनुष्ठानहरू सम्पन्न भएका छन्।

सरकारले घोषणा गरेको राष्ट्रिय शोक दिवसका अवसरमा सरकारी कार्यालयहरूमा राष्ट्रिय झण्डा आधा झुकाइएका बेला धार्मिक क्षेत्रले पनि सामूहिक शान्ति प्रार्थना, पाठपारायण र दीप प्रज्वलन गरी राष्ट्रिय शोक मनाएका हुन्।