पहिरोले निसीखोलाका १२ परिवार विस्थापित

बागलुङ । जिल्लाको निसीखोला गाउँपालिकामा अविरल वर्षासँगै आएको पहिरोका कारण १२ परिवार विस्थापित भएका छन् । पहिरोका कारण घर जोखिममा परेपछि विस्थापित भएकाहरू आफन्तकोमा आश्रय लिएर बसिरहेका छन् ।

निसीखोला-४ चिनारे र वडा नं ५ चेल्बाङका पहिरो प्रभावित १२ परिवारलाई सुरक्षित स्थानमा सारिएको छ भने आइतबार गाउँपालिकाले राहत प्रदान गरेको थियो । गाउँपालिकाले त्रिपाल तथा खाद्यान्न वितरण गरेको हो ।