छिनोफानो हुन बाँकी घटना– क्रान्ति, प्रतिक्रान्ति या विध्वंश के थियो त्यो ?

जननिर्वाचित सरकार अपदस्त गर्नेगरी भदौ २३–२४ मा भएको ‘जेनजी आन्दोलन’को एक वर्ष पूरा हुनै लाग्दा त्यो घटना आन्दोलन, क्रान्ति, प्रतिक्रान्ति या विध्वंश के थियो भन्नेबारे भइरहेका विमर्श निष्कर्षमा पुगेका छैनन् ।

भदौ २३ लाई ‘जेनजी दिवस’को नाममा सरकारले सार्वजनिक बिदा दिएपछि गत वर्षको त्यो त्रासदीपूर्ण घटनालाई लिएर फेरि बहस शुरू भएको छ । भदौ २३–२४ को घटना क्रान्ति कि प्रतिक्रान्ति भन्नेमा समाज दुई धारमा विभक्त देखिन्छ ।