शान्ति सम्झौताको तयारीबीच इरानको प्रतिक्रिया- सहमति भए पनि 'गहिरो अविश्वास' कायमै

काठमाडौँ । मध्यपूर्वमा जारी युद्ध अन्त्य गर्ने उद्देश्यका साथ अमेरिका र इरानबीच अन्तरिम शान्ति सम्झौताको तयारी भइरहँदा इरानले संयुक्त राज्य अमेरिकाप्रति आफ्नो 'गहिरो अविश्वास' कायमै रहेको स्पष्ट पारेको छ। इरानको विदेश मन्त्रालयले सोमबार औपचारिक प्रतिक्रिया दिँदै सहमति हुनु सकारात्मक भए पनि वासिङ्टनप्रति तेहरानको दृष्टिकोणमा बदलाब नआएको जनाएको हो।

इरानी विदेश मन्त्रालयका प्रवक्ता इस्माइल बघाईले तेहरानमा आयोजित साप्ताहिक पत्रकार सम्मेलनमा बोल्दै अमेरिकी नीतिहरूको आलोचना गरे।