तराई–मधेसका युवाहरूले सुरु गरे ‘हुँकार मधेस’ अभियान

काठमाडौँ । तराई–मधेस क्षेत्रमा क्रियाशील राजनीतिक दलहरू कमजोर हुँदै गएपछि विभिन्न दलमा आबद्ध मधेसी युवाहरू सङ्गठित भई ‘हुँकार मधेस’ अभियान सुरु गरेका छन्।

मधेस केन्द्रित दलहरू जनता समाजवादी पार्टी (जसपा) नेपाल, जनमत पार्टी, राष्ट्रिय मुक्ति पार्टी, नागरिक उन्मुक्ति पार्टी नेपालका साथै नेपाली काङ्ग्रेस, नेकपा एमाले र नेकपा माओवादी केन्द्रलगायतका दलमा रहेका मधेसी युवाहरू मिलेर यो अभियान अघि बढाएका हुन्।