प्रतिबन्धित क्यासिनोमा जनप्रतिनिधिदेखि प्रहरीसम्म, गाउँपालिका अध्यक्ष र प्रहरी निरीक्षकसहित आठ पक्राउ

वीरगञ्ज । वीरगञ्जको गण्डकस्थित क्लार्क रिसोर्टमा सञ्चालित ‘गोल्डेन फिंगर गेमिङ जोन’ क्यासिनोमा पर्सा प्रहरीले शनिबार राति छापा मार्दा जनप्रतिनिधि, प्रहरी अधिकृत र क्यासिनोका कर्मचारीसहित आठ जना पक्राउ परेका छन्।

नेपाली नागरिकलाई क्यासिनोमा प्रवेश गरी जुवा खेल्न कानूनतः प्रतिबन्ध रहे पनि उनीहरू क्यासिनोभित्र जुवा खेलिरहेको अवस्थामा पक्राउ परेको प्रहरीले जनाएको छ। प्रहरीले राति करिब साढे १० बजे छापा मारेर उनीहरूलाई नियन्त्रणमा लिएको हो।