आवासीय चिकित्सकलाई अत्यधिक समय कार्य नगराउन निर्देशन

काठमाडौँ । चिकित्सा शिक्षा आयोगले आवासीय चिकित्सकहरू (रेसिडेन्ट डाक्टर) लाई नियम विपरीत अत्यधिक कार्य बोझ नदिन सम्बन्धित सबै विश्वविद्यालय तथा प्रतिष्ठानहरूलाई निर्देशन दिएको छ ।

आयोगले आज सोमबार एक पत्र जारी गर्दै आवासीय चिकित्सकहरूलाई दिन र रात काम गर्न बाध्य पारिएको र त्यसले उनीहरूको शारीरिक तथा मानसिक स्वास्थ्यमा गम्भीर नकारात्मक असर परेको भन्दै गुनासाहरू प्राप्त भएको जनाएको छ । आयोगका उपाध्यक्ष प्रा.डा.श्रीकृष्ण गिरीद्वारा हस्ताक्षरित सो पत्रमार्फत चिकित्सकहरूको स्वास्थ्य र कार्यशैलीप्रति गम्भीर चासो व्यक्त गरिएको हो ।