दलका भ्रातृ संगठनको कार्यक्रम विद्यालयमा नगराउन महानगरको निर्देशन, नमाने विभागीय कारवाही गर्ने चेतावनी

नेपाली पैसा

काठमाडौं : काठमाडौं महानगरपालिकाले महानगरभित्र सञ्चालित विद्यालयहरुलाई राजनीतिक दलका भ्रातृ संगठनका कार्यक्रम नगर्न नगराउन निर्देशन दिएको छ । महानगरले एक विज्ञप्ति जारी गरी विद्यालय क्षेत्रमा राजनीतिक दलका भ्रातृ संगठनको गतिविधि भएको उजुरी परेको भन्दै त्यस्ता कार्यक्रम नगर्न नगराउन निर्देशन दिएको हो । महानगरले अनुगमनका क्रममा यस प्रकारका कार्यक्रम गरेको भेटेमा विभागीय कारवाही गर्ने समेत चेतावनी दिएको छ ।