यो वर्ष पनि दुईवटा अटो शो : नाडा र नाइमाको छुट्टाछुट्टै तयारी

काठमाडौँ । अटो व्यवसायीका दुई छाता संस्था अटोमोबाइल्स एसोसिएसन अफ नेपाल (नाडा) र नेपाल अटोमोबाइल इम्पोर्टर्स एन्ड म्यानुफ्याक्चरर्स एसोसिएसन (नाइमा) ले गत वर्षझैँ यस वर्ष पनि छुट्टाछुट्टै अटो शो आयोजना गर्ने भएका छन्।

गत वर्षदेखि सुरु भएको प्रतिस्पर्धा यस वर्ष पनि निरन्तर रहने देखिएको हो । नाडाले १५औँ संस्करणसम्म अटो शोमा एकछत्र उपस्थिति कायम गरे पनि गत वर्ष नाडाबाट अलग भएर गठन भएको नाइमाले छुट्टै अटो शो आयोजना गर्न थालेको हो।