चिकित्सा शिक्षा आयोगमा तत्काल पदाधिकारी नियुक्त गर्न डा केसीको माग, नभए असार २५ देखि सत्याग्रह गर्ने चेतावनी

​काठमाडौँ । चिकित्सा शिक्षाका अभियन्ता प्राडा गोविन्द केसीले चिकित्सा शिक्षा आयोगमा लामो समयदेखि रिक्त रहेका पदाधिकारीहरू तुरुन्त नियुक्त गर्न सरकारसँग माग गरेका छन् । उनले अन्तर्वार्ता सम्पन्न भएको लामो समय बितिसक्दा र अन्य संस्थानहरूमा नियुक्ति भइसक्दा पनि आयोगलाई नेतृत्वविहीन राख्नुले सरकारको नियतमाथि शङ्का उब्जाएको बताएका हुन् ।

अयोग्य तथा स्वार्थ बाझिने व्यक्तिलाई नियुक्त गरेर ऐन र आयोगकै अस्तित्व समाप्त पार्ने खेल भइरहेको आरोप लगाउँदै डा केसीले निजी क्षेत्र वा राजनीतिसँग आबद्ध नभएका, योग्य र दक्ष उम्मेदवारलाई मात्र चयन गर्न आग्रह गरे ।