नर्वेका राजाको निधन

काठमाडौँ- तीन दशकभन्दा लामो समय राजगद्दीमा रहेर आफ्ना अत्यन्तै लोकप्रिय तथा बहिर्मुखी स्वभावका पिताको छायाबाट क्रमशः बाहिर निस्कँदै सुधारवादी राजाका रूपमा स्थापित भएका नर्वेका राजा हाराल्डको शुक्रबार ८९ वर्षको उमेरमा निधन भएको छ। नर्वेको राजदरबारले मुलुकको राजपरिवार अनेकौँ संकटबाट गुज्रिरहेका बेला उनको निधन भएको जनाएको अन्तरराष्ट्रिय सञ्चारमाध्यमले जनाएका छन्।

‘राजा हाराल्डको शुक्रबार अगस्ट २८ बिहान ६:३५ बजे (स्थानीय समयअनुसार; जीएमटी बिहान ४:३५ बजे) ओस्लो विश्वविद्यालय अस्पतालमा निधन भयो,’ राजदरबारले आफ्नो वेबसाइटमा उल्लेख गरेकाे छ।