देउवा पुत्र जयवीरमाथि सम्पत्ति शुद्धीकरणको अनुसन्धान, सात दिनभित्र उपस्थित हुन निर्देशन

काठमाडौं– सम्पत्ति शुद्धीकरण विभागले नेपाली कांग्रेसका पूर्वसभापति तथा पूर्वप्रधानमन्त्री शेरबहादुर देउवाका छोरा जयवीर देउवालाई सात दिनभित्र उपस्थित हुन निर्देशन दिँदै पुर्जी जारी गरेको छ।

विभागले बुढानीलकण्ठस्थित देउवा निवासमा समेत टाँसिएको पुर्जीमा सम्पत्ति शुद्धीकरणसम्बन्धी जाँचबुझका क्रममा केही विषयमा बयान तथा स्पष्टीकरण आवश्यक रहेको उल्लेख गर्दै सात दिनभित्र विभागमा उपस्थित हुन निर्देशन दिएको हो।