माइक्रोसफ्टले ४ हजार ८०० कर्मचारी कटौती गर्ने

विश्वप्रसिद्ध प्रविधि कम्पनी माइक्रोसफ्टले ४ हजार ८०० जना कर्मचारी कटौती गर्ने घोषणा गरेको छ। यो संख्या कम्पनीमा कार्यरत कुल कर्मचारीको करिब २.१ प्रतिशत हो । कटौतीको सबैभन्दा ठुलो असर कम्पनीको गेमिङ डिभिजन 'एक्सबक्स'मा पर्ने बीबीसीले जनाएको छ ।

माइक्रोसफ्टकी कार्यकारी उपाध्यक्ष एमी कोलम्यानले कर्मचारीहरूलाई एक सन्देश पठाउँदै द्रुत गतिमा परिवर्तन भइरहेको सूचना प्रविधि उद्योगमा कम्पनीले अब ध्यान केन्द्रित गर्नुपर्ने बताएकी छन्।