नेपाली चलचित्र इतिहाषकै सबैभन्दा बहुप्रतिक्षित चलचित्र "लुट–२" यो साता शुक्रवारबाट देशभरका सिनेमाघरमा प्रदर्शनमा आउदै छ । केही महिना अगाडी रिलिज भएको चलचित्रको ट्रेलरमा सुरुमै कर्माले ४ वर्ष आफुहरु जेल बसेर अब हाकु कालेलार्इ खोज्ने र बदला लिने भावना देखाएका छन् भने अर्कोतिर हाकु कालेको जीवनमा धेरै परिवर्तन देखिएको छ ।
केहि समय अगाडी सार्वजनिक गरिएको चलचित्रको "ठमेल बजार " बोलको गीतले भर्खर मात्र युट्युब मा १ करोड भन्दा बढी हेरिएको तेस्रो नेपाली गीत बन्न पुगेको थियो । चलचित्र लूटमा त्यसबेला उध्रेको चोली गीत को सफलताले जति दर्शक माझ चलचित्रलार्इ लोकप्रिय बनाएको थियो , यस पटक ठमेल बजारले त्यहि काम गरेको छ चलचित्र लूट २ का लागि । निश्चलले आफ्नो ट्वीटर मार्फत सबै दर्शकहरुलाई धन्यवाद समेत दिएका थिए ।
लूट २ मा बैंक बाट पैसा सबै लिएर भागेको हाकु कालेलार्इ खोजेर बदला लिने भाव मा हिडेका दयाहाङ राई , कर्म, प्रतिक राज न्योपाने र सुशील राज पाण्डेको कथा बोकेको चलचित्रका निर्देशक निश्चल बस्नेतले हाम्रो पात्रो सँग को कुराकानीमा बताए । निर्देशक बस्नेतले लूट २ को कथा भुइचालो र नाकाबन्दी को बेलामा आधारित भएको पनि हामि सँगको कुराकानीमा उल्लेख गरे ।
लूट २ को ट्रेलरसंगै नेपालमा पहिलो पटक कुनै चलचित्रमा आधारित गेम हाकु रन पनि रिलिज भएको थियो । चलचित्रको नाम जोडिएर नै सायद उक्त गेम को निक्कै थोरै समय मा १०००० डाउनलोड पुगिसकेको छ ।
निर्माण पक्ष ले सार्वजनिक गरेको लूट २ को अर्को गीत घ्याम्पे ले पनि राम्रै चर्चा पाई रहेको छ । युवा पुस्ताले निक्कै रुचाएको चलचित्रको यो सीक्वल ले निक्कै नै आक्रामक ओपनिंग लिने अनुमान गर्न सकिन्छ । यस्तोमा यो बहुप्रतिक्षित चलचित्रले दर्शकहरुको अपेक्षा पुर्याउन सक्छ कि सक्दैन , त्यो त समयले बताई नै हाल्छ ।
