२०७६ सालको सबै भन्दा प्रतिक्षित चलचित्र "प्रेमगीत ३" को चर्चा तब नै शिखरमा पुग्यो जब यो चलचित्र निर्माण हुने हल्ला बजारमा चल्न थाल्यो। निर्माण पक्षले यस सफल रोमान्टिक सिरिजको तेश्रो शृंखलामा जब एउटा एतिहाषिक कथा रहने जानकारी दिए तब "प्रेमगीत" को फ्यानहरु र अरु चलचित्रप्रेमीहरुको लागि यो खबरले निक्कै उत्साहित बनायो । सिक्वल भन्ने बित्तिकै पहिलो भन्दा दुई गुणा ठुलो र भव्य बनाउने सोच त सबै चलचित्रकर्मीहरुको हुन्छ, तर प्रेमगीतका निर्माता सन्तोष सेनले यो चलचित्रलाई नेपाली चलचित्र क्षेत्रकै एउटा उदाहरणीय चलचित्र बनाउने सपना देखे।
