देश दौडाहा अन्तर्गत फिल्म ’रणवीर’ युनिटले बुटवलमा पत्रकार सम्मेलन गरेको छ । पत्रकार सम्मेलनमा बोल्दै फिल्मका रणवीर अर्थात् सुशील सिटौलाले आफ्नो डेब्यु रणवीर भएको बताएका छन् । उनले अघिल्ला फिल्मले चिनाएको र यसले स्थापित हुने विश्वास व्यक्त गरे । ’रणवीर बन्न सहज थिएन त्यसैले मेरो लागि डेब्यु रणवीर हो , यस अर्थमा कि यसमा दर्शक नयाँ सुशीलले देख्नु हुनेछ’ सुशीलले बुटवलको सञ्चारकर्मीसँग सम्बोधन गर्दै भने ’फिल्ममा मेरो भूमिका धनगढीको एक युवाको छ जसको जीवनमा आउने आरोह अवरोहनै रणवीर हो ।’
