परदेशीको खबर

सपना र आशा, भए भताभुङ्ग
के सोध्छौ र खबर, यो परदेशीसंग

उडाउँछ भुमरीले निलो गगनमा कैले
झराउँछ फेरि, भुईमा झसङ्ग

रम्दैना योमन रंगीचंगी गुलाब र कोमलहरुमा
मनभित्र सधै लाली, गुरासको रङ्ग

डाँफे मयुर नाच्ने हिमनदि भेटिदैन यता कतै
समून्द्रि तट यो, छुट्टै छ अङ्ग

हेपाई तड्पाईमा सधैं अरुको नै राज चल्छ
आफ्नै खुशीले ,चल्दैन जङ्ग

के सोध्छौ र खबर, यो प्रदेशीसंग


-मान बहादुर थापा "मुस्कान"
बि.न.पा.-१८ तातोपानी, सुर्खेत
हाल मलेशिया
[email protected]

----
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत [email protected] मा इमेल पठाउनुहोस् ।