देख्न थालेको छु

सपना छोडेर मैले विपना देख्न थालेको छु ।
सबैलाई छोडेर अहिले आफैलाई भेट्न थालेको छु

म आफ्नै लासको मलामी
म आफ्नै चिताको जल्लाद
पिडाले चिसिएको यो मनलाई आफ्नै चिताले सेक्न थालेको छु
सपना छोडेर विपना देख्न थालेको छु

मेरो भाग्य अब मेरो कर्मले लेख्ला
भावि ! तिमीले लेखेका सबै भाग्य मेट्न थालेको छु
सपना छोडेर मैले विपना देख्न थालेको छु

ए दुःखहरु ! सबैलाई बाईबाई अब नपरोस् दुःखका आसुहरु
दुःखहरुलाई मैले सुखहरुले छेक्न थालेको छु
सपना छोडेर मैले विपना देख्न थालेको छु ।

तानिदिए खुट्टाहरु तर म त्यहासम्म पुग्छु अवश्य
खुट्टा नभएर के भो त हातहरुले टेक्न थालेको छु ।
सपना छोडेर मैले विपना देख्न थालेको छु
सबैलाई छोडेर अहिले आफैलाई भेट्न थालेको