सपना साकार बनाउँला

मेरो जिन्दगी को एकमात्र हकदार बनाउला,
तिमी म मिलेर हाम्रो सपना साकार बनाउँला ।

असीमित,अनौठो,अचम्मको छ हाम्रो प्रेम,
मायाको उत्कृष्ट अर्थ अनि आकार बनाउँला ।

प्रेम स्नेह हौसलाले सजिएका इट्टाहरू जोडी,
खुसी,उमङ्ग मायाले भरिएको दरबार बनाउँला ।

एकै सिक्काका दुई पाटा हुनुपर्छ सानु हामी,
कर्तव्य पूरा गर्दै तिमीमा अधिकार बनाउँला ।

मन्दिर जस्तो पवित्र चोखो घर होस् हाम्रो,
माया नै मायाले छाएको सुन्दर घरबार बनाउँला ।

मेरो जिन्दगी को एकमात्र हकदार बनाउँला,
तिमी म मिलेर हाम्रो सपना साकार बनाउँला ।