यसपालिको नेपालीहरूको महान चाड बडादशैँ अन्तर्गत विजया दशमी आगामी कार्तिक ७ गते मङ्गलबारका दिन बिहान १० बजेर ३७ मिनेटमा नवदुर्गा पूजा विसर्जन गरिसकेपछि साइत खोजेरै टीका लगाउनेहरूका लागि माता दुर्गाभवानीको प्रसाद टिका, र जमरा ग्रहणगर्ने उत्तम साइत बिहान ११ बजेर ०२ मिनेटमा (टीका थाप्नेव्यक्ति पश्चिम मोहडा भएर) रहेको छ ।
यस दिन पूर्व फर्किएर दुर्गाभवानीको प्रसाद आफ्नो मान्यजनका हातबाट टिका र जमरा ग्रहण गर्ने र पश्चिम फर्किएर टीका लगाइदिने व्यक्तिले आशीर्वाद दिए सुख, शान्ति, ऐश्वर्य, यश, कृति, लाभ, विजय, आयु, सुस्वास्थ्य तथा मनोकामना पूर्ण हुने शास्त्रोक्त कथन रहेको छ । शास्त्रीय मान्यता अनुसार यो पनि भनिएको छ कि, सर्व साधारण मानिसलाई टीका र प्रसाद ग्रहण गर्न साइत चाहिँदैन गतः विजयादशमीको दिन देश, काल र परिस्थिति अनुसार जतिबेला पनि माता दुर्गाभवानीको प्रसाद टिका र जमरा ग्रहण गर्न सकिनेछ यो प्रसाद विजया दशमी देखि कोजाग्रत पूर्णिमासम्म दुर्गा भवानीको प्रसाद लगाउन सकिन्छ ।
त्यसअघि असोज २८ गते आइतबारका दिन घटस्थापनाको शुभ साइत बिहान १० बजेर २९ मिनेटमा रहेको छ । यो शुभ मुहूर्तमा स्थापना गरिएको कलशमा सम्पूर्ण ब्रह्माण्डका देवी देवताहरूको आवाहन गरी नवरात्र भरी माता दुर्गाजीको भिन्नभिन्न स्वरूपको पूजा अर्चना गर्ने गरिन्छ, घटस्थापनाको दिन शुभ साइत बिहानै भएपनि श्रद्धा एवं भक्तिले दिनभरिनै आफ्नो कुलाचार र परम्परा अनुसार घटस्थापना गरी जमरा राख्न सकिनेछ ।
घटस्थापनाको दोस्रो दिन २९ गते सोमबार बिहान सरकारी कार्यालय, सुरक्षा निकाय, कूटनीति नियोगहरूमा बिहान ११ बजेर ११ मिनेटमा पश्चिम फर्केर राष्ट्रिय झण्डा आदि फेर्नु शुभ रहेको छ । कार्तिक ४ गते शनिबार फूलपाती परेको छ । फूलपाती जतिबेला पनि फूलपाती भित्र्याउन सकिनेछ । त्यस्तै कार्तिक ५ गते आइतबार महाअष्टमी र कालरात्री हो भने, कार्तिक ६ गते सोमबार महानवमी पर्व मनाइन्छ यस दिन सिद्धिदात्री स्वरूप नवदुर्गाको पूजा गरि गरिन्छ र ७ गते विजया दशमी रहेको छ । त्यस्तै कार्तिक ११ गते शनिबार कोजाग्रत पूर्णिमा दिन दिनभरिनै जुनसुकै बेला पनि जमरा सेलाउन सकिनेछ ।
अस्तु ॥
-ज्यो.प. नारायणप्रसाद दुलाल
[email protected]
