अहिलेको यो आधुनिक संसारमा दैनिक जीवनको जुगाडमा यति व्यस्त भइरहेका छाै कि हामीले टेकिरहने माटोको कदर त परैको कुरा, वास्ता पनि गर्दैनाै । यो सामान्य रूपमा देखिने माटो भनेको पर्दा पछाडिको नायक सरह हो र यसकोमा महत्त्व निकै नै धेरै रहेको छ ।
१. माटो, हाम्रो अन्नदाता:
प्रत्येक दिन बाच्न आवश्यक पर्ने आधारभूत कुरा मध्ये एक हो खानेकुरा । आफ्नो मनपर्ने फलफूल, तरकारी वा अन्य कुनै कुरा सम्झनुहोस् । माटो बिना यी सबै कुराको कल्पना पनि गर्न सकिदैन । यो हामीले मनपर्ने स्वादिष्ट खानाहरूको जन्मस्थान हो । पोषक तत्व दिएर माटोले बोटबिरुवाहरूलाई ठुलो र बलियो हुर्काउन मद्दत गर्छ, जसले हामीलाई हरेक दिन अन्नको आवश्यकतालाई पूरा गर्दछ ।
२. माटो, पानीको फिल्टर:
हामीले पिउने पानी कहाँबाट आउँछ भनेर कहिल्यै सोच्नुभएको छ? माटोले प्राकृतिक फिल्टरको रूपमा महत्त्वपूर्ण भूमिका खेल्छ । जब वर्षा हुन्छ, माटोले यसलाई स्पन्ज जस्तै भिजाउँछ, र पानीमा भएको बिकारलाई सफा गर्छ । यसले सुनिश्चित गर्छ कि हामीले पिउने पानी ताजा, सफा र सुरक्षित छ ।
३. माटो, जलवायु परिवर्तनविरुद्धको नायक:
हाम्रो पृथ्वीले अहिले जलवायु परिवर्तनबाट आइपर्ने समस्याको सामना गरिरहेको छ । माटोले जलवायु परिवर्तन विरुद्ध ढाल बनेर हानिकारक ग्याँसहरू आफूमा समाहित गर्छ । माटोको संरक्षण गरेर हामीले वास्तवमा हाम्रो ग्रह बचाउन मद्दत गर्दैछौं !
४. माटो: जीवजन्तुहरूको घर:
प्राय हामी जमिनको सतहमा बस्छैां तर सतह मुनि पनि धेरै जीवजन्तुहरू बसिरहेका हुन्छन् । जस्तै कीरा, ब्याक्टेरिया जस्ता स-साना जीवहरूसँग एक पूरै पार्टी भइरहेको छ। यी साना जीवजन्तुहरू देखिदा साना भए पनि यीनीहरूले माटोलाई स्वस्थ राख्न ठूलो भूमिका खेल्छन् । यसले गर्दा माटोमा हुने बिरुवाहरूलाई सहि पोसक तत्व पाउने सुनिश्चित गर्छ ।
५. माटो: हाम्रो खेल मैदान:
चाहे खेल खेल्नु होस्, पिकनिक मनाउनु होस्, वा पहाडमा घुम्नु होस्, माटोले नै यो ठाँउलाई योग्य बनाउछ । यो हाम्रो विभिन्न गतिविधिहरूको लागि रंगमन्च हो । अत: माटोको हेरचाह गर्नु भनेको हाम्रो मन्चलाई सुरक्षित गर्नु हो ।
त्यसैले माटोलाई बेवास्ता नगर्नुहोस् । हिलो धुलो बाहेक माटोलाई हेर्ने दृष्टिकोण बदल्नुहोस् । यसले मैानतामा हाम्रो लागि धेरै काम गरिरहेको छ र हाम्रो जीवनलाई सहज बनाएको छ । माटोलाई पनि हामी रूख रोपेर, पर्यावरण मैत्री अभ्यासहरू प्रयोग गरेर, र फोहोर नबनाई माटोको संरक्षण सुनिश्चित गर्न सक्छौं ।
