क्राइस्टचर्च मस्जिद आक्रमण: न्यूजिल्यान्ड भ्रमणमा रहेका बाङ्ग्लादेशी क्रिकेट खेलाडीहरू 'भाग्यले जोगिए'
DOWNLOAD APPS BY HAMRO PATRO

क्राइस्टचर्च मस्जिद आक्रमण: न्यूजिल्यान्ड भ्रमणमा रहेका बाङ्ग्लादेशी क्रिकेट खेलाडीहरू 'भाग्यले जोगिए'

bbc.com . २ महीना अघि

न्यूजिल्यान्डको क्राइस्टचर्चस्थित मस्जिदमा बन्दुकधारीले डरलाग्दो आक्रमण गर्दा बाङ्ग्लादेशी क्रिकेट टोलीका सदस्यहरू नजिकै पुगेका थिए।

न्यूजिल्यान्ड भ्रमणमा रहेको टेस्ट क्रिकेटको टोलीका १७ जना शुक्रवार हुने साप्ताहिक प्रार्थना गर्न बस चढेर अल नूर मस्जिद जाँदै थिए। तर आक्रमण भएको सूचना पाएपछि उनीहरू भित्र छिरेनन् र जोगिए।

बाङ्ग्लादेशी क्रिकेट बोर्डले टोलीका सबै जना सुरक्षित रूपमा होटल फर्किएको र आफ्नो सम्पर्कमा रहेको जनाएको छ।

ढाकाबाट बीबीसी संवाददाता अकबर हुसेन भन्छन् - नजिकै अभ्यास गरेर टोली मस्जिदमा जाँदै गर्दा उनीहरूलाई घटनाबारे चेतावनी दिइयो र उनीहरू नजिकैको बगैँचातिर भागे।

न्यूजिल्यान्डकी प्रधानमन्त्रीले "आतङ्ककारी घटना" भनेको सो आक्रमणमा परेर कम्तीमा ४९ जनाको ज्यान गइसकेको छ भने २० जनाभन्दा बढी व्यक्ति गम्भीर घाइते भएका छन्। तीमध्ये कम्तीमा तीन जना बाङ्ग्लादेशी मूलका भएका विवरणहरू प्राप्त भएका छन्।

न्यूजिल्यान्डका मस्जिदमा 'आतङ्ककारी' आक्रमण हुँदा ४९ को मृत्यु

आक्रमणकारीहरूले तारो बनाएका अल नूर मस्जिदमा ४१ जना र लिनउड मस्जिदमा आठ जनाको मृत्यु भएको थियो।

'भाग्यमानी'

बाङ्ग्लादेशी टोलीका प्रबन्धक खालिद मशुदका अनुसार मस्जिदमा आक्रमण हुँदा टोली डेढ सय फिट पर थियो।

तीन वा चार मिनेट पहिला मस्जिद पुगेको भए आफूहरू पनि सो आक्रमणमा पर्ने र भाग्यले जोगिएको उनी बताउँछन्।

टोलीका सदस्य मुश्फिकर रहिमले सो घटनामा अल्लाहले आफूहरूलाई जोगाएका र आफूहरू एकदमै भाग्यमानी भएको ट्विटरमा लेखेका छन्।

टोलीका केही सदस्यहरू पत्रकार सम्मेलनमा गएकाले सबै जना सँगैसँगै मस्जिद जान ढिलो भएको बताइएको छ। अन्यथा उनीहरू त्यतिबेला मस्जिदभित्र हुने थिए।

टोलीसँगै ईएसपीएनका बाङ्ग्लादेश संवाददाता मोहम्मद इसाम पनि थिए।

उनी भन्छन्, "हामी उद्यान हुँदै भाग्यौँ र चौरमा सुरक्षित रूपमा फर्क्यौँ।" उनका अनुसार उनीहरूले त्यहाँ एक घण्टा बिताए।

"खेलाडीहरूले गोली चलेको सुने, उनीहरूले मानिसहरू ढोकाबाहिर लडेको र बसमुनि लुकेको देखे।"

बाङ्ग्लादेशी र न्यूजिल्यान्डका टोलीहरूबीच शनिवारदेखि खेल हुने योजना थियो। तर घटनापछि त्यो स्थगित भएको छ।

यसअघि बाङ्ग्लादेशी टोलीका सदस्यहरूले पनि आफू सो आक्रमणबाट जोगिएको भन्दै ट्वीट गरेका थिए। मुश्फिकर रहिमले सो घटनामा अल्लाहले आफूहरूलाई जोगाएका र आफूहरू एकदमै भाग्यमानी भएको ट्विटरमा लेखेका छन्।

https://twitter.com/mushfiqur15/status/1106380873551626241

https://twitter.com/TamimOfficial28/status/1106374964779708416

https://twitter.com/BCBtigers/status/1106400971481993216

सो घटनाप्रति सामाजिक सञ्जालमा धेरैले दु:ख व्यक्त गरेका छन्।

भारतीय क्रिकेट टोलीका कप्तान विराट कोहलीले घटनामा जोगिएका बाङ्ग्लादेशी टोलीप्रति सहानुभूति प्रकट गरेका छन्।

https://twitter.com/imVkohli/status/1106477714452541440

पाकिस्तानका पूर्वखेलाडी शाहिद अफ्रिदीले क्राइस्टचर्चमा भएको घटनाप्रति दु:ख प्रकट गर्दै बाङ्ग्लादेशी टोली सुरक्षित रहेको थाहा पाउँदा आफूलाई राहत अनुभूति भएको जनाएका छन्।

https://twitter.com/SAfridiOfficial/status/1106459991375003648

Comment
Liked by
Liked by
0 /600 characters
उस्तै समाचारहरू
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.