चलचित्र "मेरी मामु"को पोष्टरहरु सार्वजनिक | Hamro Patro

ब्लग - साहित्य / मनोरञ्जन

चलचित्र "मेरी मामु"को पोष्टरहरु सार्वजनिक





गीतबाटै अत्याधिक चर्चा बटुलिरहेको चलचित्र मेरी मामुको मनै छुने पोष्टरहरु मंगलबार सार्वजनिक गरिएको छ । भदौ १५ देखि रिलिज हुने फिल्मको पोष्टरमा न हिरो र हिरोईले गाला जोडेका छन्, न त हिरोले भिलेनको गाला फुट्ने गरी हानेको छ । केवल छ त, एउटा बालकको मनोबिज्ञान ।


बाल नायक आयुब सेनलाई केन्द्रमा राखी तयार पारिएको पोष्टरले गहिरो यथार्थ चित्रण गरेको छ । सानैमा आमाको मृत्युपछि कपाल मुण्डनका क्रममा खिचिएको फोटोलाई पोष्टरको रुप दिदै फिल्मका निर्माता सन्तोष सेनले फिल्मभित्र गहिरो बिषयवस्तु छ भन्ने दर्शाएका छन् । पोष्टरमा फिल्मका अन्य कलाकारहरु कुसुम गुरुङ, अश्लेषा ठकुरी, सारुक ताम्राकारलाई पनि देख्न सकिन्छ । यद्यपी आयुबकै मुल कथासार फिल्ममा देखाईएकाले पोष्टरमा आयुब हावी भएको निर्माता सेनले बताए ।


गीत र चर्को प्रोमोशनका कारण सर्वत्र चर्चामा रहेको चलचित्र मेरी मामुको हाईप पोष्टरले झनै बढाउने देखिन्छ । आशुसेन फिल्मस्को व्यानरमा यसपुर्व सफल चलचित्रहरु प्रेम गीत र प्रेम गीत २ जस्ता सफल चलचित्रहरुको स्वाद दर्शक मांझ पस्किसकेका निर्माता सन्तोष सेनले यसपाली भने लभस्टोरीबाट हटेर फरक स्वाद दर्शकलाई दिन खोजेका छन् । जसले राम्रो रिजल्ट दिने सबैको आशा छ । मेरी मामुको केहि पोष्टरको कलर टोन प्रेम गीत २ सग कहिकतै मिल्छ, यद्यपी कथावस्तुमा आकाश जमिनको फरक छ । निकै नै मनछुने र आकर्षक पोष्टहरुले फिल्मलाई अझै गति दिने बिश्वास गरौं ।


यता, प्रोमोशनको अर्को धमाकालाई अघि सार्दै मेरी मामु टिम यहि भदौ ७ बाट अल नेपाल कन्सर्टका लागि निस्कदैछ । फिल्मको जम्बो टोलीले त्यसको लागि गज्जबको पसर्व तयारी गरिरहेको छ । देशका मुख्य शहरहरु धरान, इटहरी, नारायणगढ, पोखरा, बुटवल, दमक आदिमा फिल्मका मुख्य कलाकारका साथमा साँगीतिक टोली पनि पुग्नेछ । यसरी फिल्मको सफलताका लागि हर प्रयाश गरिरहेको छ, निर्माण टोली । आशा छ, मेरी मामु नेपाली चलचित्र क्षेत्रका लागि अर्को व्लकवस्टर फिल्म घोषित हुनेछ ।



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.