स्थानीय चुनावको माहौल र चर्चा आजकाल देशभर नै कतै छुट्ने गर्दैन । ठाउँठाउँको उम्मेदवारहरुको नाम जनसमुदाय माझ निस्किन थालेपछि एक किसिमले राष्ट्रलार्इ नै चुनावले छोइसकेको अनुभूति हुन्छ । यस चुनावमा बिभिन्न पदमा महिला उम्मेदवारहरुले पनि सहभागिता देखाउन सकिने सरकारद्वारा ब्यस्बस्ता मिलाइएको छ ।
भर्खरमात्र नेपाल भोट्सले आफ्नो फेसबुक पेज मार्फत सार्वजनिक गरेको भिडियोले सम्भावना बोकेको महिलाहरुलाई यो स्थानीय निर्वाचनमा सहभागिता जनाउन प्रोत्साहन गरेको छ । उक्त भिडियो अनुसार थुप्रै दावेदार महिलाहरु यस स्थानीय चुनावको बारेमा अनविज्ञ देखिएको या कतिले त जानकारी पाउँदा समेत पनि यस निर्वाचनबाट आफूलार्इ सक्दो पर राख्न खोजिरहेको देखाइएको छ ।
नेपाल भोट्सले महिलाहरूलार्इ प्रोत्साहन गर्न तयार पारेको भिडियो यहाँ हेर्न सक्नुहुनेछ:
थुप्रै सम्भावना बोकेका महिलाहरु पनि किन यस निर्वाचनबाट पर बसिरहेका छन् त , एकफेर यो कुरामा ध्यान दिन आवश्यक छ । न त अहिले नेपाली महिलाहरु महिला पुरुषसंग प्रतिस्पर्धा गर्न हिच्किचाउछन् , न त उनीहरुमा कुनैपनि निकायमा नेतृत्व गर्ने क्षमतामा कमि नै छ ।त्यसोभए किन त ? कतै राजनीतिलाई फोहोरी खेल मान्ने हाम्रो यो समाजको धारणा रहेकोले त कतै महिलाहरु यो खेलमा सहभागिता जनाउन अन्कनाइरहेका हैनन् ? तर राजनीति आफैमा फोहोरी खेल हुदै हैनन् । केहि भ्रष्ट , स्वार्थी व्यक्तिहरुको कुकर्मले यसलाई थोरै फोहोरी बनाएकै छ । तर भारि मात्रामा महिलाहरुको उपस्थिति रहेमा भोलिको दिनमा नेपालको राजनीतिले छुट्टै परिभाषा कायम गर्न सक्छ ।
हुन त अहिले पनि नेपाली समाज पुरुष प्रधान नै छ , तर स्मरण रहोस आज विश्व इतिहासमा कतै नभएको देशको प्रमुख तीन अंग ब्यबस्थापिका,कार्यपालिका, र न्यायपालिकामा महिलाहरु नै आसिन छन् । हाम्रोपात्रो पनि ति सक्षम महिलाहरुलाई आफ्नो खुबी र नेतृत्व गर्ने क्षमता आफुमा मात्र सिमित नराखेर देश र जनताको हितको लागि प्रयोग गर्न आआफ्नो ठाउँबाट निर्वाचनको उम्मेदवार बन्न प्रोत्साहन गर्दछ । हिलारी क्लिन्टनले हारेर पनि जितेकी थिइन, सबैले बुझ्न जरूरी छ ।
Liked by:
